یاغیش یاغیب هر طرفی یوموشدو
سن بوینوندا قیرمیزی شال
کول رنگیده پالتویون گیمیشدین.
منیم بوینومدا قارا شال
کبریت رنگینده کت شالوار
اینیمده دیر.
چوخ یولویون گوزله دیم،
بیر آن دئدیم گلمه یه جخ
سونرا اوزاخدان اوجا بوی قامتین،
حیران قالیب بوز تک دوندوم،
هیکل اولدوم.
گونش چیخب، هوا سرین ، هر یئر تمیز
پارلاخ پارلاخ یاشیل یاپراخلار اوینایر،
آغاشلارین باشلاریندا .
یولدان گئدنلر سئوینجح ،
دئیب، گولوب دانیشیلار.
سن بیر قیزیل گوله بنزر هر یئری گولشن ایله دین.
الجح ده کی الریمیز بیر بیرینی باغرا باسدی
هامی منه قیسقانیردی.
نارین نارین یول گئدرکن ، اوزاخلارا من باخیردیم،
سنده باشین اشاغیا، رویالاردا غرق اولموشدون.
گوزلرین منه باخمادان قاچیردیلار،
باشماخلارین سورتدنیب، داش قومونان اوینایردی
گولوشلرین آغیر آغیر گلیب قاچیب گئدیردیلر.
کیپریح لرین او ایسلانمیش گوزلرین
باغرا باسیب، قوجاخلایب قورویوردو.
چای قیراغی، خیاباندا قدم ووروب یول گئدیردیخ.
اوزون زامان هر بیر شئیدن دانیشیردیخ.
الجح ایچینده بارماخلار دوداخلارین اورتوردو
منه قیسا جوابلارین کسیح کسیح قایتاریردین.
من دانیشیب، سن دینله یب نهایت سیز یول قاباخدا
گونش گئدیب، آغ بولوتلار کولگه سالدی.
دانیشمیردین بیلمم نه دن.
هئچ گولموردون بیلمم نه دن
هئچ باخمیردین، بیلمم نه دن
رویالاردا غرق اولموشدون، بیلمم نه دن
آیریلاندا بیر آه چکدین، بیلمم نه دن
باغرا باسیب، ساچلاریندان اوپوش آلدیم
دریندن بر نفس چکیب، گولومسه دین
گوله گوله الریمیز بیراخیلدی بیر بیریندن
اوز دوندردیخ یولا دوشدوخ
سن اویانا، من بویانا
نفس بوغازدا بوغولور، هر ایکیمیز
آغلایا آغلایا گئتدیخ،
اوست اورتولو، گیزله ده راخ.
آخشام اوستو، هوا سرین
سئرچه قوشلاری بوغوشور
یاغیش سویون گولمه شینده
نهایت سیز یول قاباخدا
سن اویانا، من بویانا.
30/03/2011 دنیز ایشچی
نظر شما پس از بازبینی توسط مدير سايت منتشر خواهد شد
